У Магілёве ствараюць «ідэалагічна правільны» браўзер

• 30.10.2012, 16:49

Ён будзе называцца Белхроміюм.

У бліжэйшы час браўзер павінен выйсці на звязку WebKit і Chromium, паведамляе сайт 222.by.

Ён будзе хутчэй за іншых працаваць у беларускім інтэрнэце. Аналітыкі прадказваюць, што ў будучыні ім будуць карыстацца да 30% беларускіх інтэрнэт-карыстальнікаў.

Дарэчы, перад запускам у масы браўзер павінен быць узгоднены з аддзеламі ідэалогіі гарвыканкама і аблвыканкама. Таксама яго павінны ўхваліць Міністэрства адукацыі і Міністэрства сельскай гаспадаркі.