Нецэнзурнае слова з Акадэміі мастацтваў убралі

• 5.10.2012, 17:40

Нецэнзурнага надпісу на даху Беларускай дзяржаўнай акадэміі мастацтваў цяпер няма.

Пра гэта сведчаць вынікі праверкі, праведзенай у навучальнай установе. Нагадаем, на картах сэрвісу Google maps было заўважана непрыстойнае слова з трох літар.

«Па выніках праверкі выяўлена, што надпіс на даху Акадэміі адсутнічае і здымак з космасу не адпавядае рэальнаму часу» - паведаміла «Нашай Ніве» кіраўніцтва навучальнай установы.

Праверыць, ці сапраўды надпісу няма, атрымаецца пасля абнаўлення карты Менска.