Мясніковіч хоча будаваць спадарожнікі з Расеяй

• 9.10.2012, 12:36

Беларусь і Расея павінны прыняць рашэнне аб стварэнні на тэрыторыі рэспублікі прадпрыемства па вытворчасці касмічных спадарожнікаў.

Пра гэта заявіў прэм'ер-міністр Беларусі Міхаіл Мясніковіч, сустракаючыся з намеснікам кіраўніка Раскосмаса Анатолем Шылавым у аўторак у Менску, перадае «Інтэрфакс».

«Я думаю, мы не павінны абмяжоўвацца адным апаратам, а разгледзець пытанне аб тым, каб у Беларусі вырабляць касмічныя спадарожнікі ў нашых агульных інтарэсах, а таксама ў інтарэсах трэціх краін», - сказаў М.Мясніковіч.

Нагадаем, уласны спадарожнік Беларусь змагла запусціць толькі з другой спробы ў ліпені 2012 года. Раней афіцыйныя асобы заяўлялі таксама аб планах сумеснай вытворчасці спадарожнікаў з Кітаем.