Літоўскі і галандскі прэм'еры абмеркавалі беларускае пытанне

• 1.02.2012, 17:05

Літоўскі прэм'ер-міністр Кубілюс, які знаходзіцца з візітам у Нідэрландах, 31 студзеня сустрэўся са сваім калегам Маркам Рутэ.

Прэм'ер-міністры абмеркавалі, сярод іншага, адносіны з Беларуссю, паведамляе «Еўрарадыё».

Галоўнымі тэмамі размовы стала магчымая фінансавая падтрымка літоўскіх энергетычных праектаў, бяспека балтыйскай паветранай прасторы, місія НАТА ў Афганістане.

Нагадаем, галандскаі ўрад - адзін з найбольш паслядоўных крытыкаў беларускіх уладаў у Еўразвязе. Цяперашні міністр замежных спраў Нідэрландаў Уры Разенталь вядомы сваёй вельмі крытычнай пазіцыяй адносна афіцыйнага Менска.