Беларускія чыноўнікі сабраліся ў Індыю

• 21.02.2012, 12:33

Беларуская дэлегацыя на чале з намеснікам міністра замежных спраў 21-22 лютага наведае Індыю.

У ходзе візіту адбудуцца палітычныя кансультацыі з Міністэрствам замежных спраў Індыі ў Нью-Дэлі. Беларускі бок на мерапрыемстве ўзначаліць намеснік міністра замежных спраў Беларусі Сяргей Алейнік, індыйскі - намеснік міністра замежных спраў Індыі Санджай Сінгх.

Падчас кансультацый паміж МЗС дыпламаты абмяркуюць шырокі спектр актуальных пытанняў двухбаковых адносінаў, уключна з перспектывамі развіцця палітычнага дыялогу, гандлёва-эканамічнага ўзаемадзеяння і ўдасканалення дамоўна-прававой базы. Бакі абмяняюцца таксама меркаваннямі па найбольш актуальных пытаннях міжнароднага парадку дня, узаемадзеяння Беларусі і Індыі ў міжнародных арганізацыях.

Запланаваныя таксама сустрэчы Сяргея Алейніка з міністрам замежных спраў Індыі, першым намеснікам міністра вугальнай прамысловасці Індыі, дзяржаўным міністрам гандлю і прамысловасці Індыі, а таксама кіраўніцтвам кампаній Coal India і Enrika Trades.