На станцыі «Баранавічы-Цэнтральныя» загарэўся вагон

• 24.02.2012, 15:37

Узгаранне аднаго з вагонаў грузавога саставу адбылося на 16-м шляху парку сартыроўкі станцыі «Баранавічы-Цэнтральныя» раніцай 23 лютага.

Як распавёў начальнік станцыі «Баранавічы Цэнтральныя» Анатоль Новікаў, у пераабсталяваным адмыслова для суправаджэння саставе абслуговым персаналам вагоне - «вяртушцы» - знаходзіўся толькі адзін супрацоўнік - 55-гадовы жыхар Менскай вобласці, які паспрабаваў распаліць печку, як мяркуецца, пры дапамозе гаручых вадкасцяў, паведамляе intex-press.by.

Пасля ўзгарання, супрацоўнік самастойна патушыў полымя, атрымаўшы пры гэты мапёкі верхніх дыхальных шляхоў і кісцяў рук. Пацярпелы быў шпіталяваны ў рэанімацыйнае аддзяленне Баранавіцкай гарадской лякарні № 1. Цяпер ягоны стан здавальняючы.

«Такія здарэнні ў нас бываюць вельмі рэдка, - пракаментаваў IP начальнік станцыі. - Чаму насамрэч адбыўся пажар, будзе вядома пасля праверкі».