Пажар у студэнцкім інтэрнаце ў Менску

• 29.02.2012, 10:33

Ратавальнікі эвакуіравалі 320 чалавек з-за пажару ў інтэрнаце Менскага дзяржаўнага энергетычнага каледжа.

Пра гэта паведаміў БелТА дзяжурны МНС Беларусі.

Пажар адбыўся позна ўвечары 28 лютага. Выклік на пульт службы «101» паступіў у 23.35. Пацярпелых няма. Прычыны ўзгарання высвятляюцца.

Усяго за мінулыя суткі ў Беларусі зарэгістравана 16 пажараў, у якіх загінулі 5 чалавек.