За бел-чырвона-белы сцяг - штраф

• 26.03.2012, 11:49

Затрыманых 25 сакавіка ў Менску актывістаў Міхаіла Нарушэвіча і Зміцера Пшэнніка асудзілі ў судзе Першамайскага раёна.

Юнакі спрабавалі вывесіць бел-чырвона-белы сцяг, паведамляе ПЦ «Вясна».

Суддзя Юрый Гарбатоўскі палічыў іх вінаватымі ў арганізацыі несанкцыянаванага масавага мерапрыемства і пакараў штрафам у 70 тысяч беларускіх рублёў кожнага.

Ноч яны правялі ў Цэнтры ізаляцыі правапарушальнікаў на Акрэсціна.