Прадпрымальнікаў адной з менскіх фірм узялі ў закладнікі (Відэа)

• 28.04.2012, 16:16

Не жадаючы дзяліцца з кампаньёнамі, прадпрымальнікі адной менскай фірмы апынуліся ў заложніках у сваіх жа партнёраў па бізнесе.

Каб выбіць грошы, апошнія выкралі двух мужчын, звязалі і пакінулі ў закінутым доме пад Дзяржынскім. Па словах супрацоўнікаў праваахоўных органаў, злачынцы дзейнічалі вельмі прафесійна. Яны хавалі твары пад маскамі і карысталіся мабільнымі тэлефонамі, зарэгістраванымі на падстаўных асоб.

І толькі калі атрымалі 100 мільёнаў, выкінулі закладнікаў на трасе. Ахвяры звярнуліся ў міліцыю, паведамляе Першы канал.