Рабочыя гінуць на будоўлях

• 9.04.2012, 10:47

На будаўнічых аб'ектах Менска за два месяцы загінулі 5 чалавек.

Аб гэтым паведаміла начальніца аддзела аховы працы Камітэта па працы, занятасці і сацыяльнай абароне Менгарвыканкама Наталля Несцяровіч.

Усіх гэтых смерцяў магло і не быць, калі б выконваліся элементарныя правілы па ахове працы. Але ў краінах былога саюза яшчэ працуе прымаўка «правілы існуюць, каб іх парушаць», піша «Ежедневник».

Большасць трагічных выпадкаў звязаныя з падзеннем з вялікай вышыні з-за адсутнасці агародж або незамацаванай лесвіцы.