Хілары Клінтан падзякавала Літве за падтрымку ЕГУ

• 20.06.2012, 9:14

У лісце міністру замежных спраў Літвы Аўдронюсу Ажубалісу дзяржаўны сакратар ЗША дзякуе за працяглую падтрымку ЕГУ з боку Літвы.

«Я падтрымліваю намаганні вашай краіны, накіраваныя на тое, каб дапамагчы беларускім студэнтам атрымаць якасную адукацыю ў Еўрапейскім гуманітарным універсітэце. Мы спадзяемся, што ўдзел ЗША будзе спрыяць таму, што іншыя краіны-донары ўнясуць свой уклад у далейшае развіццё і ўстойлівую дзейнасць ЕГУ», - прыводзіць тэкст ліста Х.Клінтан прэс-служба МЗС Літвы.

Паводле яе, ЗША асабліва цэніць магчымасць беларускіх студэнтаў навучацца ва універсітэце, які працуе па вучэбнай праграме, грунтуецца на базе ліберальных заходніх каштоўнасцяў, і тое, што студэнты могуць пазбегнуць дыктату беларускага ўрада, піша ru.DELFI.lt.

У лісце дзяржаўны сакратар ЗША сцвярджае, што краіна яе абавязваецца на працягу трох гадоў вылучыць ЕГУ 1 млн. даляраў. З 2001 г. ЗША ўжо вылучылі 3,5 млн. даляраў у дапамогу дзеючаму ў Вільні ЕГУ. Х.Клінтан таксама адзначыла актыўнае супрацоўніцтва ЗША з універсітэтам дзеля ажыццяўлення праграм па развіцці дэмакратыі ў Беларусі.

ЕГУ быў заснаваны ў Беларусі ў 1992 г. З-за ціску з боку кіраўніцтва краіны, у 2005 г. універсітэт быў перанесены ў сталіцу Літвы. У цяперашні час універсітэт налічвае 1800 студэнтаў, большасць з якіх з'яўляюцца грамадзянамі Беларусі.

Нядаўна ў Вільні было адзначанае 20-годдзе ЕГУ. На мерапрыемстве А.Ажубаліс падкрэсліў, што падтрымка, якая аказваецца гэтай навучальнай установе, з'яўляецца лепшай інвестыцыяй у вольную, еўрапейскую і дэмакратычную будучыню Беларусі.