У Менск прыбылі в'етнамскія вайскоўцы

• 25.06.2012, 15:29

З 23 па 28 чэрвеня праходзіць візіт у Беларусь в'етнамскай ваеннай дэлегацыі, якую ўзначальвае начальнік галоўнага палітычнага ўпраўлення Мінабароны СРВ генерал-палкоўнік Нго Суан Лік.

Як паведаміла прэс-служба беларускага ваеннага ведамства, з в'етнамскімі ваеннымі сустрэўся міністр абароны Беларусі генерал-лейтэнант Юрый Жадобін.

У адпаведнасці з праграмай візіту адбыўся брыфінг памочніка міністра абароны па ідэалагічнай працы ва Узброеных сілах - начальніка галоўнага ўпраўлення ідэалагічнай працы Міністэрства абароны генерал-маёра Аляксандра Гуры.

25 чэрвеня сябры в'етнамскай дэлегацыі азнаёмяцца са структурай і задачамі Ваеннай акадэміі, вучэбна-матэрыяльнай базай камандна-штабнога факультэта.