Настаўнікі падаліся ў валютчыкі

• 28.06.2012, 11:03

У Пінску злавілі настаўніка-валютчыка.

Як паведамляе «Еўрарадыё», выпадак адбыўся на пінскім рынку «Сонечны», дзе за парушэнне правілаў валютных аперацый быў затрыманы настаўнік сярэдняй школы.

У затрыманага канфіскавалі 2635 даляраў ЗША, больш за 5 мільёнаў беларускіх рублёў і 20 тысяч рублёў расейскага Цэнтрабанка. На настаўніка-валютчыка складзены адміністрацыйны пратакол.

Верагодней за ўсё, цяпер па месцы асноўнай працы яму пагражае звальненне.