Зноў пачаліся «аблавы» на валютчыкаў

• 5.06.2012, 17:51

4 чэрвеня каля чыгуначнага вакзалу ў Гомелі былі затрыманыя двое мужчын, якія праводзілі незаконную валютную аперацыю.

Як паведамілі БелаПАН у прэс-службе УУС Гомельскага аблвыканкама, 35-гадовы індывідуальны прадпрымальнік спрабаваў абмяняць ў беспрацоўнага 57-гадовага валютчыка 2 тысячы даляраў ЗША на 17 мільёнаў беларускіх рублёў.

У дачыненні да абодвух супрацоўнікамі падатковай інспекцыі складзеныя адміністрацыйныя пратаколы, грошы ў суме 17 мільёнаў рублёў і 2 тысяч даляраў канфіскаваныя.