Кошты не ўтрымаць

• 23.07.2012, 9:21

З пачатку года кошты выраслі на 11,7%.

«У сувязі з паступленнем у продаж садавінаагароднінай прадукцыі ўраджаю гэтага года» бурак падаражэў у 1,5 разы, бульба - на 44,9%, морква - на 39,5%, цыбуля рэпчатая - на 35,6%, яблыкі - на 14 , 3%, піша БелаПАН.

Акрамя таго, найбольшы прырост коштаў з пачатку месяца адзначаны на хлеб і хлебабулачныя вырабы (5,9%), гарэлку (4,5%), сухія малочныя сумесі для дзіцячага і дыетычнага харчавання (3,3%), піва (2,9 %), маргарын (1,8%), пернікі (1,6%), рыбу жывую (1,4%), паўфабрыкаты з мяса птушкі, малако згушчанае з цукрам, печыва (1,3%), гавядзіну (акрамя бескасцёвага мяса), каўбасу вараную першага гатунку, сыр плаўлены, муку пшанічную, крупы манныя, аўсяныя камякі «Геркулес», макаронныя вырабы, напоі безалкагольныя (0,8-1,2%), сінтэтычныя мыйныя сродкі (0,9%), паслугі чыгуначнага транспарту прыгарадных зносін (20%) і міжнародных зносін (4,5%), санаторна-аздараўленчыя паслугі (10,8%), бытавыя паслугі (2%), паслугі вышэйшай адукацыі (1,1%).

Патаннела капуста белакачанная - на 11,7%, яйкі - на 3,1%, крупа грачаная - на 2,6%, проса - на 0,5%, рыба марожаная (трэсковыя, скумбрыевыя) - на 0,4%, абутак - на 0,2%.

За студзень-чэрвень кошты выраслі на 10,5%, з улікам 17 дзён ліпеня - на 11,7%. Па выніках года ўрад разлічвае ўтрымаць інфляцыю ў межах 19-22%. У 2011 годзе спажывецкія кошты павялічыліся на 108,7%.