Мінералка і дзіцячае харчаванне небяспечныя для жыцця?

• 24.07.2012, 13:10

Мінеральная вада, БАДы і дзіцячае харчаванне аднесены ў Беларусі да патэнцыйна небяспечных прадуктаў.

Міністэрства аховы здароўя Беларусі зацвердзіла пералік прадукцыі, якая прадстаўляе патэнцыйную небяспеку для жыцця і здароўя насельніцтва.

Як паведамілі агенцтву «Інтэрфакс-Захад» у аўторак у Рэспубліканскім цэнтры гігіены, эпідэміялогіі і грамадскага здароўя, у гэты пералік, у прыватнасці, уключаны «мінеральная вада, буціліраванная пітная вада, танізавальныя напоі, алкагольная і слабаалкагольная прадукцыя, піва».

Акрамя таго, у пералік патэнцыйна небяспечнай прадукцыі ўключаны спецыялізаваныя харчовыя прадукты, у тым ліку дзіцячае харчаванне, прадукты для цяжарных і кормячых жанчын, прадукты для харчавання спартсменаў, БАДы, харчовыя прадукты, атрыманыя з выкарыстаннем ГМА, харчовыя дабаўкі, паведамілі ў цэнтры.

Таксама ў гэты пералік уключаны араматызатары, касметычная прадукцыя, сродкі і вырабы гігіены пустоціны рота, тавары бытавой хіміі, прадметы асабістай гігіены для дзяцей і дарослых, ніжняе адзенне для дзяцей.