Дзяржпазыка Беларусі імкліва расце

• 31.07.2012, 12:42

Дзяржпазыка на 1 ліпеня павялічылася да Br118,5 трлн.

Дзяржаўная пазыка Рэспублікі Беларусь на 1 ліпеня 2012 года склала Br118,5 трлн. і павялічылася ў параўнанні з пачаткам 2012 года на Br2,1 трлн., паведамілі карэспандэнту БелТА ў Міністэрстве фінансаў.

«Павелічэнне дзяржаўнай пазыкі (у беларускіх рублях) у асноўным абумоўлена атрыманнем трэцяга траншу фінансавага крэдыту Антыкрызіснага фонду ЕўрАзЭС у чэрвені 2012 года ($440 млн.)», - адзначылі ў Мінфіне.

Знешняя дзяржаўная пазыка па стане на 1 ліпеня 2012 года склала $12,1 млрд. пры ўстаноўленым ліміце $14,3 млрд., павялічыўшыся з пачатку года на $302,2 млн. «Павелічэнне знешняй дзяржаўнай пазыкі ў 2012 годзе абумоўлена прыцягненнем крэдытаў МБРР, АКФ ЕўрАзЭС і банкаў Кітая», - паведамілі ў Міністэрстве фінансаў.