У Гродне пад абвалам загінулі рабочыя

• 1.08.2012, 11:26

Узбуджаная крымінальная справа.

Кастрычніцкім (Гродна) раённым аддзелам Следчага камітэта Беларусі распачата справа па частцы 3 артыкула 306 Крымінальнага кодэкса (парушэнне правіл аховы працы, якое пацягнула па неасцярожнасці смерць двух або больш асоб) па факце няшчаснага выпадку, які адбыўся ў абласным цэнтры 31 ліпеня.

Як паведамілі БелаПАН у праваахоўных органах, каля 12.00 пры правядзенні будаўнічых і мантажных работ у выніку абвалу грунту загінулі двое рабочых Гродзенскай СПМК-70 - мужчыны 1957 і 1989 гадоў нараджэння.