ААТ «УніверсалПраектКанструкцыя» дапусціла дэфолт па аблігацыях

• 23.08.2012, 16:32

Дэфолт па двухгадовых аблігацыях ААТ «УніверсалПраектКанструкцыя» на Br23, 4 млрд наступіў 2 жніўня 2012 года.

Пра гэта паведаміў агенцтву «Інтэрфакс-Захад» Барыс Цімафееў, генеральны дырэктар ААТ «Дзяржаваінвест» (прафудзельнік рынку каштоўных папер).

«Па наяўнай інфармацыі, кампанія «УніверсалПраектКанструкцыя» у цяперашні час знаходзіцца ў стадыі ліквідацыі як суб'ект гаспадарання і свае абавязацельствы па аблігацыях не выканала. Дата пагашэння двухгадовых аблігацый з агульным аб'ёмам эмісіі Br23, 4 млрд наступіла 2 жніўня гэтага года, гэта значыць на сённяшні дзень дэфолт ужо адбыўся», - сказаў Б.Цімафееў.

Дэпартамент па каштоўных паперах Мінфіна Беларусі зарэгістраваў першы выпуск аблігацый ТАА «УніверсалПраектКанструкцыя» на Br23, 4 млрд 29 ліпеня 2010. Пачатак абароту папер - 3 жніўня 2010 года, заканчэнне - 2 жніўня 2012 года.

Па словах Б.Цімафеева, каштоўныя паперы кампаніі на суму каля Br15-16 млрд працягваюць заставацца ў інвестараў. Астатні аб'ём эмісіі прададзены не быў. У якасці забеспячэння па гэтых аблігацыях выкарыстоўваецца дамова страхавання адказнасці эмітэнта, якая заключана з Белдзяржстрахам. З мэтай пагашэння гэтых аблігацый іх уладальнікі ўжо звярнуліся да страхоўшчыка, які выдаў забеспячэнне.