Экс-міністра абароны Паўла Казлоўскага ўсё ж такі зарэгістравалі

• 30.08.2012, 12:00

ЦВК адмяніў рашэнне акруговай камісіі, якая адмовілася зарэгістраваць кандыдатам у дэпутаты былога міністра абароны Беларусі Паўла Казлоўскага.

Васняцоўская акруговая выбарчая камісія (Менск) адмовіла П.Казлоўскаму ў рэгістрацыі ў сувязі з тым, што ён няправільна ўказаў памер гаража, а таксама не ўказаў прыбытак ад здачы ў наём маленькага садовага доміка, паведамляе Interfax.by.

Пасля праверкі скаргі Казлоўскага, ЦВК прыйшоў да высновы, што ўказанне несапраўдных памераў гаража не з'яўляецца парушэннем, бо ён не схаваў гэту маёмасць. А прыбытак ад здачы садовага доміка складае Br5 тыс., г.зн. менш за 1% ад прыбытку.