Лазавік: Гэта ўсё выдумкі

• 21.09.2012, 11:58

Нягледзячы на сведчанні тых, хто галасаваў па прымушэнні, сакратар ЦВК спрабуе адхрышчвацца ад прымусовага датэрміновага галасавання.

«Дайце мне прозвішчы гэтых людзей і я разбяруся. Давайце факты. А то гэта вашы выдумкі і здагадкі, якіх шмат у інтэрнэце», - так адказаў сакратар Цэнтрвыбаркама Мікалай Лазавік на просьбу "Нашай Нівы" пракаментаваць шматлікія скаргі студэнтаў на прымусовае датэрміновае галасаванне.

Разам з тым, на інтэрнэт-рэсурсах з'яўляюцца дзесяткі сведчанняў студэнтаў аб шантажы выселіць з інтэрната або стварыць праблемы падчас сесіі, калі тыя не прагаласуюць датэрмінова.