МЗС спрабуе палегчыць долю наймітаў Кадафі

• 27.09.2012, 12:18

Беларускі бок працягвае аказваць дапамогу беларускім грамадзянам, якія былі асуджаныя ў Лівіі.

Пра гэта паведаміў на брыфінгу ў чацвер у Менску начальнік упраўлення інфармацыі - прэс-сакратар МЗС Беларусі Андрэй Савіных, перадае «Інтэрфакс».

«Пакуль сітуацыя не змянілася. Прадстаўнікі Беларусі падтрымліваюць з імі кантакты, спрабуюць палегчыць ім долю», - паведаміў Савіных.

Ён таксама адзначыў, што прадстаўнікі Беларусі наведваюць грамадзян Беларусі, якія знаходзяцца ў месцах пазбаўлення волі ў Лівіі.