У Азербайджане арыштаваныя лідэры апазыцыі

• 5.02.2013, 16:24

Улады Азербайджана адправілі за краты двух апазіцыйных актывістаў і двух жыхароў Ісмаілінскага раёна на паўночным захадзе краіны, дзе ў канцы студзеня паліцыя ўжыла газ і вадамёты для разгону дэманстрацыі пратэсту.

Раней па крымінальнай справе аб беспарадках, якія з'явіліся трывожным сігналам для аўтакратычнага лідэра Ільгама Аліева ў год прэзідэнцкіх выбараў, было затрымана яшчэ дзесяць чалавек.

«Па крымінальнай справе па ісмаілінскіх падзеях, Насімінскі раённы суд Баку 4 лютага прыняў рашэнне аб арышце на два месяцы Тофіга Ягублу, Ільгара Мамедава, а таксама жыхароў Ісмаілінскага раёна Мірказыма Абдулаева і Эльшана Ісмаілы», - паведаміла Генпракуратура.

Генпракуратура спаслалася на артыкулы 233 («арганізацыя дзеянняў, якія прывялі да парушэння грамадскага парадку, або актыўны ўдзел у падобных дзеяннях») і 315.2 («аказанне супраціўлення альбо гвалт у адносінах да прадстаўніка ўлады») Крымінальнага кодэкса.

Ягублу - намеснік старшыні апазіцыйнай партыі Мусават, а Мамедаў узначальвае грамадзкі рух ReAl (Рэспубліканская Альтэрнатыва). Абодва адмаўляюць сваю віну.

Сотні дэманстрантаў спалілі некалькі аўтамашын і гатэль і скандавалі лозунгі з патрабаваннямі адстаўкі кіраўніка адміністрацыі паражанага беспрацоўем мястэчка Ісмаілы ў канцы студзеня. Урад ўвяло ў рэгіён дадатковыя сілы паліцыі і ўнутраныя войскі, здолеўшы здушыць вулічныя выступленні.

Генпракуратура назвала прычынай «масавы канфлікт, звязаны з хуліганскімі дзеяннямі, якія суправаджаліся псаваннем чужой маёмасці». Дэманстранты і іншыя гараджане скардзіліся на адсутнасць працы і перспектыў, няўвагу уладаў, «атмасферу страху» і разгул карупцыі.