Ганцавіцкую школу эвакуявалі праз мяшок са смеццем

• 12.04.2013, 9:24

Вучняў і настаўнікаў сельскай школы ў Ганцавіцкім раёне эвакуявалі ў сувязі з выяўленнем падазронага прадмета.

«Больш за 200 вучняў і настаўнікаў эвакуявалі са школы ў Ганцавіцкім раёне ў сувязі з тым, што на другім паверсе будынка быў знойдзены мяшок», - паведамілі сёння ў праваахоўных органах, піша «Інтэрфакс».

Са слоў суразмоўцаў агенцтва, «у мяшку знаходзіліся дошкі, драты, прадметы, падобныя на кандэнсатары».

Міліцыя праводзіць праверку паводле гэтага факту.