У Расонах з-за ўдару маланкі згарэў цэх

• 20.05.2013, 10:36

Удар маланкі стаў прычынай пажару на прыватным прадпрыемстве ў Расонах.

19 траўня ў Расонскае падраздзяленне МНС ад відавочцы паступіла паведамленне аб пажары ў цэху па вытворчасці паліўных брыкетаў прыватнага гандлёвага вытворчага ўнітарнага прадпрыемства, паведамляе прэс-служба МНС.

Ратавальнікі, якія прыбылі да месца выкліку, выявілі адкрытае гарэнне цэха. Будынак аднапавярховы, памерамі ў плане 26х32 метра, з дашчанымі сценамі і шыферным дахам.

У выніку пажару знішчана 40 тон паліўных брыкетаў і дах будынка, пашкоджаныя сцены.

Пацярпелых няма.

Як мяркуецца, прычына пажару - удар маланкі.