Белстат: 46,9% насельніцтва карыстаецца інтэрнэтам
- 31.05.2013, 12:40
Пры гэтым у 48,3% хатніх гаспадарак ёсць хатні ПК з доступам у сетку.
Нацыянальным статыстычным камітэтам Рэспублікі Беларусь пачынаючы з 2011 года арганізаванае штогадовае статыстычнае назіранне аб выкарыстанні інфармацыйна-камунікацыйных тэхналогій.
У гэтым статыстычным назіранні ў 2012 годзе прынялі ўдзел 7,3 тысячы рэспандэнтаў - камерцыйных арганізацый.
Як паказалі дадзеныя статыстычнага назірання, персанальныя кампутары выкарыстоўвалі ў сваёй дзейнасці 98,9% ад агульнай колькасці абследаваных арганізацый. Звыш 30% выдаткаў на інфармацыйна-камунікацыйныя тэхналогіі было накіравана арганізацыямі рэспублікі на набыццё вылічальнай тэхнікі (уключаючы ўсталёўку і наладку), з іх 24,4% прыходзілася на набыццё вылічальнай тэхнікі, вырабленай у Рэспубліцы Беларусь. На набыццё праграмных сродкаў прыходзілася 16,1% выдаткаў, з іх амаль палова на набыццё праграмных сродкаў, распрацаваных у Рэспубліцы Беларусь; 16,5% выдаткаў былі накіраваныя на аплату паслуг электрасувязі. У 2012 годзе ў параўнанні з 2011 годам выдаткі на інфармацыйна-камунікацыйныя тэхналогіі ўзраслі на 53,7%, у тым ліку на аплату паслуг іншых арганізацый, звязаных з інфармацыйна-камунікацыйнымі тэхналогіямі, - на 81,3%, на набыццё праграмных сродкаў - на 78,8%, на аплату паслуг электрасувязі - на 47,3%.
Доступ да сеткі Інтэрнэт мелі 96,8% абследаваных арганізацый рэспублікі. Сярод арганізацый, якія мелі доступ да сеткі Інтэрнэт найбольш распаўсюджаны стацыянарны шырокапалосны доступ (85,5%). Камутаваны доступ выкарыстоўвалі 27,7% арганізацый, бесправадны -21,4%. Паводле даных абследавання 35,6% арганізацый мелі максімальную хуткасць перадачы дадзеных праз сетку Інтэрнэт ад 256 Кбіт/с да 2 Мбіт/с, 34,3% арганізацый - ад 2 Мбіт/с да 10 Мбіт/с.
Паводле звестак дзяржаўнага статыстычнага назірання ў 2012 годзе 30% арганізацый падавалі сваім работнікам тэхнічныя сродкі для мабільнага доступу ў сетку Інтэрнэт.
Сярод абследаваных арганізацый магчымасцю доступу да Інтэрнэту валодалі 18,4%, Экстранэту - 5,3%, паслугамі электроннай пошты ў 2012 годзе скарысталіся 95,1%.
З агульнай колькасці работнікаў арганізацый, якія выкарыстоўвалі персанальныя кампутары, 50,9% працавалі на персанальных кампутарах, якія маюць выхад у сетку Інтэрнэт.
Доступ у сетку Інтэрнэт з мэтай адпраўкі і атрымання электроннай пошты выкарыстоўвалі 96% рэспандэнтаў, для пошуку і размяшчэння інфармацыі - 93,9%, для ажыццяўлення банкаўскіх аперацый - 90%, для прадастаўлення падатковых дэкларацый - 84,2%, для атрымання бланкаў формаў ад дзяржаўных органаў (арганізацый) - 83,4% абследаваных рэспандэнтаў.
Паводле ацэнкі арганізацый, найбольш рэзультатыўна выкарыстоўвалася сетка Інтэрнэт для паляпшэння ўмоў працы (84,1%), паляпшэння іміджу арганізацыі (79,5%) і прыцягнення новых пастаўшчыкоў (60,2%).
Паводле даных выбарачнага абследавання хатніх гаспадарак па ўзроўню жыцця доля хатніх гаспадарак, якія маюць персанальныя кампутары, у 2012 годзе склала 51,7% ад агульнай іх колькасці, якія маюць доступ да сеткі Інтэрнэт з хатняга персанальнага кампутара па стане на пачатак 2013 года - 48,3% .
Паслугамі сеткі Інтэрнэт на пачатак 2013 года скарысталася 46,9% насельніцтва, у тым ліку часцей за ўсё карысталіся Інтэрнэтам дома - 42,1%, па месцы працы (вучобы) - 2,4%, у Інтэрнэт-кафэ (клубе), у аддзяленнях сувязі - 0,2%, у сяброў, сваякоў - 0,3%.