Азаранка атрымала wild card на турнір у Досе

• 28.01.2018, 21:52

Пасля доўгага перапынку беларуская тэнісістка вяртаецца на корт.

Паводле інфармацыі, атрыманай з вартых даверу крыніц, беларусцы Вікторыі Азаранка падалі wild card на турнір у Досе, Катар, піша «Прессбол».

Спаборніцтвы пройдуць з 12 да 18 лютага.

У 2012 і 2013 гадах Вікторыя Азаранка святкавала тут перамогі.

Нагадаем, надоечы стала вядома, што спецыяліст Уладзімір Конікаў стаў асабістым трэнерам Азаранкі. Тэнісістка працавала з ім яшчэ ў юніёрскім узросце.