На Століншчыне ўнучка і бабуля зладзілі панажоўшчыну

• 3.10.2018, 20:13

Жанчыны разам пілі алкагольныя напоі, а пасля ўзнікла спрэчка.

У аграгарадку Верхні Церабяжоў Столінскага раёна п'яная жанчына парэзала нажом сваю бабулю.

Як інфармуе sb.by, здарэнне адбылося ў аўторак. Жанчыны разам пілі алкагольныя напоі, а пасля ўзнікла спрэчка. 32-гадовая ўнучка, якая нідзе не працуе і жыве з бабуляй, узялася за нож. 71-гадовую пацярпелую адвезлі ў лякарню ў Столін.

Распачатая крымінальная справа. Раненні, нанесеныя пенсіянерцы, ацэненыя як цяжкія цялесныя пашкоджанні. Унучку затрымалі. Ёй пагражае да дзесяці гадоў пазбаўлення волі.