У Віцебску падчас руху загарэўся гарадскі аўтобус МАЗ

• 27.11.2018, 20:20

Кіроўца даехаў да найбліжэйшага прыпынку і адкрыў усе дзверы, каб выйшлі пасажыры.

У Віцебску 27 лістапада гарэў аўтобус, які ехаў па маршруце №14, паведамляе ДАІ. Інцыдэнт адбыўся а 15.12 на адным з прыпынкаў на вуліцы Чкалава.

Кіроўца аўтобуса заўважыў задымленне левага боку падчас праезду скрыжавання праспекта Будаўнікоў і вуліцы Чкалава. Ён даехаў да найбліжэйшага прыпынку і адкрыў усе дзверы, каб выйшлі пасажыры. Сам пачаў тушыць полымя ў маторным адсеку. Хутка прыехалі ратавальнікі.

Ніхто не пацярпеў. Прычыну ўзгарання высвятляюць.