У Расеі створаць кібердружыны

• 4.11.2018, 21:55

«Адзіная Расея» падрыхтавала законапраект.

Цяпер, калі я наступны раз пабачу доўлатаўскую цытату "І ўсё ж я хачу спытаць: хто напісаў чатыры мільёны даносаў?", то буду ведаць адказ на гэтае пытанне: кібердружыны напісалі, піша расейскі апазіцыйны палітык Дзмітрый Гудкоў у «Фейсбуке».

"Дэпутаты Дзярждумы ад "Адзінай Расеі" падрыхтавалі законапраект аб стварэнні ў Расеі кібердружын, якія змогуць разам з праваахоўнымі органамі выяўляць у інтэрнэце супрацьпраўную інфармацыю, у тым ліку экстрэмісцкага характару".

Стукачом зможа стаць кожны чалавек старэйшыя за 18 гадоў. Шкада, дакумента яшчэ няма ў думскай базе: нельга даведацца, ці будуць выдавацца кібердружыннікам венік і сабачая галава. Выдумаў законапраект (першы намеснік кіраўніка парламенцкай фракцыі "Адзіная Расея") Адальбі Люлевіч Шхагошаў - там яшчэ шмат аўтараў, але гэты вельмі паказальны. На ягоным рахунку ўжо ёсць законапраекты "Аб патрыятычным выхаванні", "Аб удасканаленні захадаў для процідзеяння тэрарызму" і "Аб мерах ўздзеяння на непрыязныя дзеянні ЗША".

Любоў да радзімы, як бачым, у дэпутата прафесійная, хоць цяпер у палату мер і вагаў. І нават яму, Адальбі Люлевічу, зразумела, што пошук у інтэрнэце "экстрэмізму" - гэта проста адкрытая дзверы для рэпрэсій. Не баіцца. Думае, паспее саскочыць, страціў нюх за 11 гадоў праседжвання штаноў у Думе. Ну што ж, хай потым не пытаецца, калі пад крык "слова і справа гаспадаровы" яго чэкісцкім гакам падчэпяць за пуза і пацягнуць на расправу. Усё гэта мы ўжо праходзілі, прыйшла пара паўтараць урокі.