У залю пасяджэнняў Гомельскага аблвыканкама закупляюць мэблю на $50 000

• 30.04.2018, 20:09

Мясцовы бюджэт пойдзе на мэблю са слановай косці, залатой паціны і велюру.

Гомельскі абласны выканаўчы камітэт закупляе новую мэблю для адрамантаванай залі пасяджэнняў, паведамляе rynak.by.

З тэндэрнай дакументацыі вынікае, што плануецца набыць два камплекты мэблі. Першы камплект будзе складацца з:

- аднаго авальнага стала памерам 3800 × 1900 × 760мм, вырабленага з бярозавага масіва са шкляным дэкараваным укладышам памерам 2000 × 900мм. Па перыметры стол будзе дэкараваны пілястрамі і разнымі капітэлямі. Аздабленне - «слановая костка/залатая паціна»;

- шаснаццаці крэслаў памерам 995 × 597 × 611мм. Крэслы павінны быць выраблены з масіва драўніны з профільным фрэзераваннем, з стройнымі ножкамі. Аздабленне - «крэм/паціна», тканіна - жаккард «Сан Фелічэ комбі Капучына».

Другі камплект уключае ў сябе:

- 80 крэслаў памерам 1050 × 474 × 594мм. Матэрыял вырабу крэсла з масіва дуба. Аздабленне - «слановая костка/залатая паціна», тканіна - велюр аднатонны «Анабель-03».

- два сталы памерам 750 × 4000 × 400мм з натуральнай драўніны (дуб). Аздабленне - «слановая костка/залатая паціна»;

- восем сталоў для пасяджэнняў памерам 750 × 2080 × 400мм з натуральнай драўніны (дуб). Аздабленне - «слановая костка/залатая паціна»;

Агульная цана тэндэру складае 100000 руб. У тым ліку 37500 руб. - першы камплект і 62500 руб. - другі. Крыніцай фінансавання з'яўляецца мясцовы бюджэт.