Трамп: АПЕК маніпулюе коштамі на нафту

• 1.07.2018, 21:46

Кіраўнік Белага дому нагадаў, што менавіта ЗША абараняюць чальцоў картэля.

Прэзідэнт ЗША Дональд Трамп запатрабаваў ад АПЕК спыніць маніпуляваць сусветным рынкам нафты. Ён нагадаў, што менавіта ЗША абараняюць чальцоў картэля, паведамляе РБК.

У эфіры ранішняй праграмы на тэлеканале Fox News вядоўца спытала Трампа, ці адбываюцца маніпуляцыі на сусветным рынку нафты. У адказ на гэта кіраўнік Белага дому заявіў, што гэтым займаецца АПЕК.

«АПЕК лепш спыніць маніпуляцыі і ўспомніць, што мы абараняем краіны, якія ўваходзяць у гэтую арганізацыю», – цытуе Трампа агенцтва Reuters.

Трамп ужо не першы раз крытыкуе АПЕК. У сярэдзіне чэрвеня на сваёй старонцы ў Twitter ён патлумачыў высокія кошты на нафту тым, што «картэль узяўся за старое».