БАТЭ прабіўся ў трэці раўнд кваліфікацыі ЛЧ

• 1.08.2018, 21:18

Барысаўскі клуб перамог фінскі ХІК з лікам 2:1.

БАТЭ на выездзе ў Хельсінкі адолеў фінскі ХІК у паядынку ў адказ 2-га кваліфікацыйнага раўнду Лігі чэмпіёнаў - 2:1. Абодва галы гасцей былі пры ўдзеле капітана Ігара Стасевіча: спачатку пасля яго навеса мяч у сетку адправіў гулец спаборніка, а пасля хаўбек вызначыўся сам. Беларускі клуб, які не здолеў выйграць дома (0:0), прайшоў у наступную стадыю адбору, дзе пазмагаецца з пераможцам пары «Карабах» (Азербайджан) - «Кукес» (Албанія), піша «Прессбол».

ХІК - БАТЭ - 1:2

Хельсінкі. «Тэліа 5G Арэна». Пачатак - а 19.00.

ХІК: Рудакоў – Рафін’я (к), Абілар, Патронен, Сумусала - Анан - Рыскі (Алха, 70), Дальстрэм (Вертайнен, 74), Ягубі, Менса - Клаус.

Запасныя: Уусітала, Яласта, Пейпонен, Весіаха, Крысантус.

БАТЭ: Шчарбіцкі - Рыас, Філіпавіч, Філіпенка, Валадзько - Бага (Бярозкін, 77), Яблонскі, Драгун - Іваніч (Скавыш, 68), Сігневіч, Стасевіч (к) (Туамінен, 87).

Запасныя: Чычкан, Глеб, Волкаў, Мухамедаў.

Галы: 0:1 – Рафін’я (20, аўтагол пасля навеса Стасевіча). 0:2 - Стасевіч (23). 1:2 - Ягубі (28, пас - Рыскі).

ПЕРАСЦЯРОГІ: Стасевіч (58), Патронен (74), Ягубі (76), Скавыш (90), Валадзько (93+), Абілар (93+).

Першы матч - 0:0