Фільмы пра летні адпачынак для прагляду на выходных

• 24.08.2018, 21:53

Падборка фільмаў, якія натхняць на новыя планы.

Сайт 24tv.ua прапануе падборку лёгкіх летніх фільмаў, якія не толькі пацешаць вочы прыгожай карцінкай, але і абавязкова натхняць на паездку да мора і новыя планы.

А для стварэння асаблівай атмасферы варта ўключаць фільмы пра лета.

«Прыгажосць, што выслізгвае»

Фільм Бэрнарда Берталучы, надзвычай летняя і глыбокая меладрама. Галоўная гераіня фільма Люсі Хэрман, якую выканала Ліў Тайлер, прыязджае з Амерыкі ў Італію, каб правесці канікулы на віле ў сяброў сям'і, на фоне Тасканскіх узгоркаў.

Стужка насычаная выдатнымі краявідамі на Цэнтральную Італію, гарантуе добры настрой ад прагляду, а таксама сум па леце, якое неўзабаве будзе падыходзіць да канца.

«Знесеныя»

Багатая шлюбная пара Эмбер і Тоні адпраўляецца ў падарожжа па Міжземным моры са шматлікім абслуговым персаналам. Аднак паміж Эмбер і мараком Джузэпэ ўзнікае вострая непрыязнасць адно да аднаго - сварлівай багачцы не падабаецца абсалютна ўсё. Але лёс распараджаецца такім чынам, што яны аказваюцца разам на незаселенай выспе. Гэтая гісторыя спадабаецца прыхільнікам творчасці Гая Рычы. Здымкі фільма праходзілі на Сардзініі і Мальце. Адзначым, што гэта апошні фільм з удзелам Мадонны.

«Раман з каменем»

Прыгодніцкі фільм 1984 года з Майклам Дугласам і Кэтлін Тэрнер у галоўных ролях. Марыць пра прыгоды, седзячы ў сваёй нью-ёркскай кватэры вядома можна, а вось трапіць у шалёны паток падзей пасярод Афрыкі - гэта іншая справа. Менавіта такі лёс выпаў аўтару жаночых раманаў, з дапамогай новага прыяцеля, ён паедзе вызваляць сваю сястру і шукаць скарбы.

«Балота»

Падзеі фільма Лукрэцыі Мартэль адбываюцца ў гарачай Аргентыне. Гэта гісторыя пра трагікамічнае жыццё буржуазнай сям'і, чальцы якой забіваюць час, штодня распіваючы алкаголь. Фільм незвычайна лёгкі, а гульня актораў шчырая і нязмушаная, адназначна палюбіце гэты кінематаграфічны цуд.