Пажар на Альманскіх балотах лакалізавалі

• 26.08.2018, 19:13

У тушэнні пажару ўдзельнічалі больш за сто супрацоўнікаў лясной аховы, некалькі адзінак гусенічных балотаходаў, а таксама авіяцыя МНС.

Пажар на Альманскіх балотах цалкам лакалізаваны, паведамляе сайт Міністэрства лясной гаспадаркі. Паводле інфармацыі ўстановы, у тушэнні пажару ўдзельнічалі больш за сто супрацоўнікаў лясной аховы, некалькі адзінак гусенічных балотаходаў, а таксама авіяцыя МНС.

Загаранне выявіў 24 жніўня дырэктар Палескага лясгаса падчас патрулявання тэрыторыі. Супрацоўнікі лясной аховы адразу пачалі тушыць пажар, а 25 жніўня на дапамогу прыйшла авіяцыя МНС. Збіць агонь было складана праз сухое надвор'е і моцны вецер.

Мяркуецца, што прычынай пажару магла стаць незагашаная цыгарэта: у гэтых месцах часта бываюць збіральнікі ягадаў.