У Судане скасавалі каменданцкую гадзіну

• 13.04.2019, 20:44

Вайскоўцы паабяцалі сфармаваць грамадзянскі ўрад і выкараніць ўсе знакі ранейшага рэжыму.

Пераходны вайсковы савет Судана скасаваў каменданцкую гадзіну і заклікаў народ вярнуцца да паўсядзённага жыцця. Пра гэта сказаў на прэс-канферэнцыі ў Хартуме кіраўнік рады Абдэль Фатах аль-Бурхан, паведамляе ТАСС у суботу, 13 красавіка.

З ягоных слоў, у краіне сфармуюць грамадзянскі ўрад. Пераходны перыяд складзе два гады.

Вайскоўцы таксама паабяцалі выкараніць у краіне ўсё, што звязана з ранейшым рэжымам.

«Усе сімвалы былога рэжыму Амара аль-Башыра будуць выкараненыя», - заявіў аль-Бурхан.

Нагадаем, на гэтым тыдні ў Судане адбыўся вайсковы пераварот. Прэзідэнт краіны Амар аль-Башыр, які займаў гэтую пасаду з 1989 года, сышоў са сваёй пасады, а затым быў змешчаны пад хатні арышт. Таксама быў арыштаваны прэм'ер-міністр Судана Махамад Тахір Айла і дзясяткі іншых высокапастаўленых чыноўнікаў.

Неўзабаве вайскоўцы аб'явілі аб увядзенні надзвычайнага становішча ў Судане на тры месяцы і каменданцкай гадзіне на адзін месяц з забаронай на перамяшчэння з 22.00 да 4.00.