Кангрэс ЗША запатрабаваў поўную версію дакладу пра «расейскі след»
- 3.04.2019, 21:40
Даклад Мюлера быў перададзены ў офіс генеральнага пракурора 22 сакавіка.
Юрыдычны камітэт палаты прадстаўнікоў Кангрэсу ЗША запатрабаваў поўную версію дакладу спецпракурора Роберта Мюлера ў справе пра імавернае ўмяшанне Расеі ў прэзідэнцкія выбары ў 2016 годзе. За выдачу адпаведнай позвы прагаласавалі 24 кангрэсмены, супраць выказаліся 17, паведамляе svoboda.org.
Пастанова дазволіць старшыні камітэта Джэролу Надлер выклікаць для дачы паказанняў пецярых былых памочнікаў прэзідэнта ЗША Дональда Трампа. У тым ліку былых дарадцаў - Стыва Бэнон і Дональда Макгана.
Як адзначае Reuters, парадак дня можа выклікаць супрацьстаянне паміж Кангрэсам і Мінюстам. Раней генеральны пракурор ЗША Уільям Бар заявіў, што апублікуе даклад Мюлера, але ў сярэдзіне красавіка, а не да другога красавіка, як гэтага патрабавала дэмакратычная большасць кангрэса. Цяпер мяркуецца, што даклад будзе апублікаваны без сакрэтных звестак. Гэта не задавальняе як дэмакратаў, так і многіх рэспубліканцаў.
Даклад Мюлера пра вынікі расследавання «расейскага следу» быў перададзены ў офіс генеральнага пракурора 22 сакавіка.
Пра завяршэнне расследавання імавернага ўмяшання Расеі ў амерыканскія прэзідэнцкія выбары ў 2016 годзе 24 сакавіка паінфармаваў генпракурор ЗША. Уільям Бар у сваім лісце пазначыў, што Мюлер не знайшоў фактаў парушэння законаў Трампам. Пры гэтым следчыя ўстанавілі два асноўныя эпізоды расейскага ўмяшання - распаўсюд дэзінфармацыі ў сацыяльных сетках у парушэнні закона, а таксама хакерскія атакі, у выніку якіх, між іншым, была выкрадзеная дакументацыя з сервера Дэмакратычнай партыі.
Спецпракурор ЗША Роберт Мюлер склікаў вялікую калегію прысяжных для расследавання «расейскага следу» ў пачатку жніўня 2017 года. З пачатку працы група Мюлера падала больш за 200 абвінавачванняў 34 фізічным і двум юрыдычным асобам. 26 абвінавачаных - грамадзяне Расеі. Шасцёра - былыя дарадцы прэзідэнта ЗША Дональда Трампа: былы дарадца прэзідэнта ў нацыянальнай бяспецы Майкл Флін, былы кіраўнік выбарчага штаба Пол Манафорт, былы намеснік кіраўніка выбарчага штаба Рык Гейтс, былы асабісты адвакат Трамп Майкл Коэн і былы дарадца Трампа Роджэр Стоўн.