Brexit: перамовы паміж ЕЗ і Брытаніяй зноў завяршыліся безвынікова

• 27.09.2019, 21:05

Перамовы праходзілі ў Брусэлі.

Сустрэча паміж прадстаўнікамі Еўрапейскай камісіі і Вялікабрытаніі датычна Brexit скончылася безвынікова.

Гэта вынікае з паведамлення на сайце Еўракамісіі.

Перамовы праходзілі ў Брусэлі паміж галоўным перамоўшчыкам ЕЗ Мішэлем Барнье і брытанскім міністрам у пытаннях Brexit Стывенам Барклі.

Барнье заявіў, што ў Пагадненнi пра Brexit неабходна мець цалкам аператыўнае развязанне, якое дасць магчымасць пазбегнуць жорсткай мяжы на востраве Ірландыя, абараніць эканоміку ўсяе выспы і цэласнасць адзінага рынку.

У ЕЗ адзначылі, то застаюцца адкрытымі і гатовыя разгледзець любыя юрыдычна дзейсныя прапановы, якія можна ажыццявіць, і якія адпавядаюць усім гэтым мэтам.

Напярэдадні Вярхоўны суд Вялікабрытаніі прызнаў незаконнай пастанову прэм'ер-міністра Барыса Джонсана пра прыпыненне працы парламента на пяць тыдняў.

25 верасня парламент Вялікабрытаніі аднавіў пасяджэнне.

Пры гэтым Джонсан заявіў, што насуперак усяму мае намер вывесці Брытанію з ЕЗ да 31 кастрычніка.

Да прыпынення працы парламент паспеў прыняць закон, які забараняе выхад Брытаніі з ЕЗ без пагаднення і абавязвае ўрад перанесці Brexit пасля ўстаноўленага 31 кастрычніка.