Алег Іваноў: Словы Вудкрафта аб змене ДНК менскага «Дынама» гучаць як дыягназ

• 10.03.2020, 18:39

Адрыяна Чэлентана са сваім «блефам» проста «адпачывае».

Былы спартовы дырэктар «Дынама» Алег Іваноў пракаментаваў нядаўнія словы Крэйга Вудкрафта аб менскім клубе.

«Крэйг Вудкрафт: «Мы ўжо пачалі шукаць новых гульцоў і працуем над змяненнем ДНКкаманды». Гучыць як дыягназ. Прычым «сістэмны». Прычым нам усім...

У мінулым сезоне мы не змаглі апярэдзіць нават рыжскае «Дынама». Каманду, якая не забівала ў дванаццаці матчах рэгулярнай праграмы. Практычна ў кожнай пятай гульні - нуль галоў у браму спаборніка. Прыстойную «фору» яны нам давалі, аднак...

У сезоне будучым кожны вынік, вышэйшы за апошняе месца ў КХЛ, можна расцэньваць як прагрэс. Крок наперад... Адрыяна Чэлентана са сваім «блефам» проста «адпачывае»... Але «я цяпер не думаю пра гэта»... - напісаў Іваноў у сваім Instagram.