Як беларусаў прызываюць у войска ў разгар пандэміі каранавіруса

• 13.04.2020, 21:12

Адзін з прызыўнікоў распавёў пра працу медкамісіі ў Гомелі.

24-гадовага Аляксандра могуць забраць у войска пасля адтэрміноўкі па вучобе. Прызыўнік быў сярод тых, каго 6 красавіка выклікалі ў абласны вайсковы камісарыят для медыцынскага абследавання, паведамляе «Радыё Свабода». Цяпер Аляксандр турбуецца, ці не падхапіў ён каранавірус.

«У вузкім калідоры нас сядзела 20, часам і 30 чалавек, бо людзі прыходзілі і сыходзілі. Усе былі без медыцынскіх масак, уключаючы вайскоўцаў, якіх я там бачыў. Лекары - хто як, але большасць без масак ці з маскамі, спушчанымі на шыю, каб не перашкаджалі.

Усяго па часе гэта заняло амаль 2 гадзіны. Можна было выйсці ў двор, але не больш чым на 5 хвілін, таму што маглі ў любую хвіліну выклікаць. Калі шчыра, тады я не думаў, што магу заразіцца там вірусам, але цяпер - думаю. Заўтра мне зноў на камісію, і ў галаве ўжо з'явяцца іншыя думкі», - кажа Аляксандр.