Зяленскі паставіў Саакашвілі дзве задачы

• 16.05.2020, 20:26

Новапрызначаны кіраўнік Нацыянальнай рады рэформаў Украіны расказаў пра іх.

Прэзідэнт Украіны Уладзімір Зяленскі паставіў перад новым кіраўніком Нацыянальнай рады рэформаў Міхэілам Саакашвілі шэраг задач, сярод іх удасканаленне падатковага заканадаўства і заканчэнне рэформы мытні. Пра гэта Саакашвілі расказаў падчас сустрэчы кіраўніка Офіса прэзідэнта Андрэя Ермака з амбасадарамі G7, паведамляе "Зеркало недели. Украины".

"Міхэіл Саакашвілі расказаў паслам G7 і ЕС аб планах Нацыянальнай рады рэформаў. Сярод іншага кіраўнік дзяржавы паставіў задачу ўдасканалення падатковага заканадаўства, працяг дэрэгуляцыі і заканчэнне рэформы мытні. Акрамя таго, сярод задач - каардынацыя супрацоўніцтва з міжнароднымі арганізацыямі", - гаворыцца ў паведамленні .

Як адзначыў Саакашвілі, неўзабаве адбудуцца кансультацыі з вядучымі бізнэс-асацыяцыямі Украіны і будзе распрацаваная праграма Нацыянальнай рады рэформаў, якую прадставяць на зацвярджэнне прэзідэнта Украіны.