«Сёння ў менскай паліклініцы быў проста апагей ідыятызму»

• 21.07.2020, 16:55

Людзі вымушаныя стаяць у чэргах, каб зрабіць тэст на COVID-19.

Пра гэта піша чытач Charter97.org з Менска. Як выявілася, нягледзячы на запіс на два тыдні наперад, усім, хто хацеў здаць тэст на каранавірус, сказалі прыйсці ў адзін час.

- Сёння ў 6-й паліклініцы быў проста апагей ідыятызму. Тэст на антыцелы да каранавіруса на платнай аснове сабраў чаргу з некалькіх дзясяткаў чалавек, вымушаных тоўпіцца ў душным неправетраным памяшканні.

Запіс на тэст праводзіўся за два тыдні, але ўсім прысутным чамусьці сказалі прыходзіць у адзін і той жа час. Ніякіх звестак папярэдне не збіралі. Давялося афармляць дамову і адстаяць паўтары гадзіны на патэнцыйна заражанай тэрыторыі. Колькі чалавек такім чынам падхапілі заразу - можна толькі гадаць.