Да +25°С чакаецца ў Беларусі ў сераду

• 25.08.2020, 21:11

Уначы і раніцай у асобных раёнах Беларусі чакаецца туман.

Дажджы і да 25 градусаў цяпла чакаецца ў Беларусі 26 жніўня, паведамілі БелТА ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.

У сераду будзе воблачна з прасвятленнямі. Уначы на большай частцы тэрыторыі краіны, удзень на захадзе пройдуць кароткачасовыя дажджы, месцамі навальніцы. Уначы і раніцай у асобных раёнах Беларусі чакаецца туман. Вецер прагназуецца заходні 4-9 м/с, пры навальніцах - з парывамі да 14 м/с.

Тэмпература паветра ўначы складзе 8-14 градусаў вышэй за нуль, удзень - 19-25 цяпла.