Украінскі футбаліст пакінуў «Дынама Брэст», а клуб яму застаўся вінен

• 30.01.2021, 18:50

Сума прыстойная.

33-гадовы ўкраінскі абаронца Яўген Хачэрыдзі паведаміў, што расстаўся з берасцейскім «Дынама», піша «Трыбуна».

Футбаліст пацвердзіў інфармацыю, якая з'явілася раней пра тое, што бакі павінны яшчэ ўладзіць усе нюансы пры скасаванні кантракту. Клуб яшчэ не да канца разлічыўся з Хачэрыдзі.

- Я пакінуў «Дынама-Брэст». Зараз разглядаю розныя варыянты. Тэлефануюць з украінскіх клубаў. Паглядзім, што будзе далей.

- Берасцейскае «Дынама» з вамі цалкам разлічылася?

- Не, яны засталіся мне вінныя. Суму называць не буду, але яна прыстойная.

- Абяцаюць выплаціць запазычанасць?

- Так, мы чакаем. Хочам развязаць пытанне па-добраму.

- Калі не атрымаецца, то пойдзеце ў суд?

- Усё магчыма, - сказаў Хачэрыдзі.

Нагадаем, футбаліст папоўніў шэрагі берасцейцаў у студзені мінулага года, падпісаўшы двухгадовы кантракт. Раней паведамлялася аб тым, што заробак ккраінца ў «Дынама» складала 450 тысяч на год (37,5 тысяч на месяц).

Усяго абаронца правёў за «Дынама» 21 матч ва ўсіх турнірах і здабыў Суперкубак Беларусі.