Названая самая жаданая для падарожжаў краіна свету

• 21.12.2021, 21:19

Якая краіна ўзначаліла рэйтынг?

Самай жаданай для падарожнікаў краінай свету названая Італія. Пра гэта паведамляе Travel Daily Media са спасылкай на рэйтынг сэрвісу Esta-america.com, які даследаваў больш за 100 інтэрнэт-рэсурсаў.

Вяршыню рэйтынгу ўзначаліла Італія — у інтэрнэце згадкі пра яе сталіцу, Рым, сустракаюцца часцей за ўсё (67 працэнтаў). Тым не менш падарожнікі таксама мараць наведаць вулкан Везувій у Пампеях, Пізанскую вежу і паспрабаваць знакамітую піцу ў Неапалі.

Другі радок занялі ЗША - краіну імкнуцца наведаць амаль 56 адсоткаў турыстаў. У сетцы падарожнікі актыўна дзеляцца сваімі жаданнямі даследаваць Нью-Ёрк, падняцца на Эмпайр-стэйт-білдынг, пастаяць у цені статуі Свабоды, пабываць у Галівудзе і адправіцца ў Лас-Вегас.

Трэцяе месца з невялікім адрывам заняла Велікабрытанія. Пабываць на Туманным Альбіёне мараць 55 працэнтаў падарожнікаў. Так, карыстальнікі інтэрнэту распавялі аб планах вывучыць брытанскую культуру і адправіцца ў паход у маляўнічыя месцы. Таксама ў спіс патрапілі Аўстралія, Францыя, Ісландыя, Японія, Кітай, Грэцыя і Перу.

Самым жаданым для наведвання горадам быў прызнаны Парыж. Яго вытанчаная культура, Эйфелева вежа і Луўр прыцягваюць 45 працэнтаў турыстаў. На другім месцы зноў Італія - адправіцца ў Венецыю, каб адчуць рамантыку і ўбачыць знакамітыя каналы, хочуць 44 працэнты падарожнікаў. Замыкае тройку лідараў Нью-Ёрк - 40 працэнтаў.