У сталіцы Нігерыі разбіўся вайсковы самалёт

• 21.02.2021, 20:00

Самалёт пацярпеў катастрофу ў раёне аэрапорта сталічнага горада Абуджы.

Самалёт King Air 350 Вайскова-паветраных сілаў Нігерыі пацярпеў катастрофу ў раёне аэрапорта сталічнага горада Абуджы. Пра гэта паведаміў міністр авіяцыі краіны Хадзі Сірыка на сваёй старонцы ў Twitter.

З ягоных слоў, самалёт разбіўся праз адмову рухавіка па шляху ў горад Міна. «Здаецца, ёсць ахвяры. Мы павінны захоўваць спакой і дачакацца вынікаў расследавання вайскоўцаў», - напісаў Сірыка.

У сваю чаргу, мясцовая газета Daily Post са спасылкай на відавочцаў трагедыі паведаміла, што ўсе, хто быў на борце загінулі. Зараз да месца катастрофы накіроўваюцца ратавальнікі і вайсковыя спецыялісты. Дакладная колькасць ахвяр катастрофы пакуль не называецца.

Раней стала вядома пра катастрофу самалёта з футбалістамі бразільскага клуба «Пальмас». Ніхто з пасажыраў не выжыў. Сябры каманды ляцелі на матч з камандай Віла-Нова ў Гаяну.