Жыхары Сеніцы выйшлі на акцыю ў абарону свабоды слова

• 21.05.2021, 12:18

За намі праўда, а значыць, і перамога.

«Калі нацысты хапалі камуністаў, я маўчаў: я не быў камуністам.

Калі яны саджалі сацыял-дэмакратаў, я маўчаў: я не быў сацыял-дэмакратам.

Калі яны хапалі чальцоў прафзвязу, я маўчаў: я не быў сябрам прафзвязу.

Калі яны прыйшлі па мяне - заступіцца за мяне не было ўжо каму» - цытата Марціна Німёлера.

- Tut.by ніколі не маўчаў: праўда і толькі праўда. І калі бяда прыйшла да іх, мы, беларусы, павінны заступіцца за тых, хто быў з намі столькі гадоў, хто пісаў праўду, якой горкай яна б не была, - піша тэлеграм-канал «Менскразам».

Ні ў адной іншай дэмакратычнай краіне СМІ не зазнае такія рэпрэсіі і катаванні, як у нас. І тым не менш, яны ідуць далей з горда паднятай галавой.

Мы выказваем словы падтрымкі і ўдзячнасці ўсім работнікам tut.by. За намі праўда, а значыць, і перамога.