Грэцыю ды Гішпанію ахапілі маштабныя лясныя пажары: відэа

• 21.05.2021, 16:52

Да тушэння пажараў прыцягнутыя сотні ратавальнікаў і авіяцыя.

Частку Грэцыі ахапілі маштабныя лясныя пажары. Загарэлася ў ваколіцах Афінаў у курортным мястэчку Лутракі, піша «УНІАН».

Як адзначаецца, ужо выгаралі 20 квадратных кіламетраў лесу і некалькі будынкаў. Інфармацыі аб пацярпелых пакуль няма.

Дым ад полымя накрыў грэцкую сталіцу, праз што ў горадзе пагоршылася бачнасць. Улада ўжо правяла неадкладную эвакуацыю чатырнаццаці вёсак і трох манастыроў у гарах.

Да тушэння полымя прыцягнутыя сотні пажарных і авіяцыя.

Пакутуе ад пажараў і гішпанскі востраў Тэнэрыфэ, на якім полымя ахапіла 400 гектараў тэрыторыі.