Беларусы правялі пікет салідарнасці перад парламентам Ірландыі

• 1.06.2021, 20:31

Ірландскія парламентарыі выйшлі да ўдзельнікаў пікету і выслухалі заклікі пратэстоўцаў.

Перад пачаткам пасяджэння ірландскія парламентарыі выйшлі да ўдзельнікаў пікету. Беларусы адчулі шчырую ўвагу, спачуванне і гатоўнасць дапамагчы, паведамляе сharter97.org.

Таксама для чальцоў парламента быў перададзены ліст з важнымі пунктамі, якія павінны быць закранутыя ў парламенцкай дыскусіі:

Заклікаць Расею асудзіць рэжым Лукашэнкі і спыніць любую ягоную падтрымку.

Патрабаваць вызвалення ўсіх палітвязняў.

Правесці незалежнае і дбайнае расследаванне факту прымусовай пасадкі рэйсу Ryanair.

Спрыяць прызнанню рэжыму Лукашэнкі тэрарыстычным.

Падтрымаць кампанію размяшчэння фатаграфій Рамана Пратасевіча ў ірландскіх аэрапортах.