Экспэрты раскрылі эфектыўныя метады збавення ад пахмелля

• 13.07.2021, 20:50

Названыя шэсць спосабаў.

Экспэртка ў галіне здароўя раскрыла шэсць эфектыўных спосабаў пазбавіцца ад пахмелля. Адпаведны матэрыял публікуе The Sun.

Лекарка агульнай практыкі, супрацоўніца анлайн-платформы RWL Сара Гарсед (Sarah Garsed) адзначыла, што ў першую чаргу неабходна выпіць шмат вады, бо яна выводзіць таксіны з арганізма. Другім дзейсным метадам паляпшэння самаадчування з'яўляецца сон. «Сон – адзін з найлепшых сродкаў пры пахмеллі, таму праспіце ўвесь наступны дзень», - дадала спецыялістка.

Акрамя гэтага, яна параіла набыць абязбольвальныя медыкаменты, каб пазбавіцца ад галаўных або цягліцавых боляў. Гарсед падкрэсліла, што лепш рабіць выбар на карысць сродкаў на аснове парацэтамолу, бо аспірын можа ўзмацніць млоснасць. Пазбавіцца ад апошняй, са слоў экспэрта, можна з дапамогай імбірнай гарбаты. У той жа час гарбата з растаропшы спрыяе ачышчэнню печані, а гарачая вада з мёдам і лімонам павышае ўзровень цукру ў крыві.

Лекарка таксама парэкамендавала зрабіць невялікую зарадку, бо пасля ўжывання алкаголю ў арганізма зніжаецца ўзровень энэргіі. «Практыкаванні вызваляюць велізарную колькасць эндарфіну і дафаміну, тым самым дапамагаючы вам адчуць пачуццё шчасця і адначасова павышаючы ўзровень вашай працаздольнасці. Фізічная актыўнасць нармалізуе ўзровень цукру ў крыві і можа прадухіліць галаўны боль», - патлумачыла яна.

Нарэшце, Гарсед падкрэсліла, што добрым сродкам ад пахмелля з'яўляецца апельсінавы сок: ён аднаўляе мінералы ў арганізме за кошт кіслотна-нейтралізуючага эфекту. Акрамя таго, палепшыць самаадчуванне дапаможа тлустая рыба.